Təxminən bir həftədir davam edən qarlı hava şəraiti ilə əlaqədar indiyədək Respublika Təcili və Təxirəsalınmaz Tibbi Yardım Mərkəzinə 347 nəfərin müraciəti qeydə alınıb. Bu barədə Tibbi Ərazi Bölmələrini İdarəetmə Birliyindən (TƏBİB) məlumat verilib. Bildirilib ki, onlardan 163-ü qadın, 184-ü kişidir. Müraciət edənlərdən 315 nəfər müxtəlif travmalarla müvafiq tibb müəssisələrinə hospitalizasiya olunub. Digər 32 nəfərə isə yerində yardım olunub.
