“Mançester Yunayted”in yarımmüdafiəçisi Kazemiro klubundan ayrılmaq istəmir.
QOL.az “TEAMtalk”-a istinadən xəbər verir ki, braziliyalı futbolçu ona indiki qazancı ilə müqayisə oluna biləcək maaş təklif edilməsə, klubunu tərk etməyəcək.
O, “Mançester Yunayted”də həftədə 350 min funt-sterlinq (420 min avrodan çox) qazanır. Çox güman ki, braziliyalı yarımmüdafiəçi hazırkı müqaviləsinin sonuna qədər (2026-cı ilin ortalarına kimi) “qırmızı şeytanlar”da qalacaq və bundan sonra azad agent kimi komandanı tərk edəcək.
Qeyd edək ki, Kazemiro 2022-ci ilin avqustunda “Real”dan “Mançester Yunayted”ə keçib.
