Qubad İbadoğlunun işi ilə bağlı Türkiyədə saxlanılaraq Azərbaycana gətirilən Fazil Qasımov və onunla birlikdə ittiham olunan Anar Əliyevin cinayət işi üzrə məhkəmə istintaqı yekunlaşıb.
Senzor.az bildirir ki, bu gün Bakı Ağır Cinayətlər Məhkəməsində hakim Mahirə Kərimovanın sədrliyi ilə keçirilən prosesdə dövlət ittihamçısı çıxış edib.
O, təqsirləndirilən Fazil Qasımovun 10 il, Anar Əliyevin isə 6 il müddətində azadlıqdan məhrum olunmasını tələb edib.
Müdafiə tərəfi çıxış üçün vaxt istəyib.
Proses martın 7-də davam etdiriləcək.
Qeyd edək ki, Fazil Qasımov Cinayət Məcəlləsinin 204.3.1 (saxta pul və ya qiymətli kağızlar hazırlama, əldə etmə və ya satma mütəşəkkil dəstə tərəfindən törədildikdə) maddəsi ilə ittiham olunur. Yuxarıda qeyd etdiyimiz kimi, o, Qubad İbadoğlunun işi ilə bağlı saxlanılıb. Amma istintaqın gedişində Fazil Qasımovun işi Qubad İbadoğlunun işindən ayrılaraq icraata götürülüb.
