Polşa Ekstraklasasında XXIII turun oyunları keçirilir.
Futbolpress.az xəbər verir ki, Azərbaycan millisinin üzvləri Rahil Məmmədov və Renat Dadaşovun formasını geydiyi “Radomiak” evdə “Vidzev”lə heç-heçə edib. Rahil bu matçın iştirak ərizəsində yer almayıb. Renat isə oyuna ehtiyat oyunçular skamyasında başlayıb və 80-ci dəqiqədə Roberto Alveşi əvəzləyərək meydana daxil olub.
25 yaşlı futbolçu komandasının 0:1 hesabla geridə olduğu matçın 90-cı dəqiqəsində fərqlənməklə hesabı bərabərləşdirib.
Qeyd edək ki, bu Dadaşovun yeni komandasında ilk oyunu olub.
Polşa Ekstraklasası
XXIII Tur
28 fevral
Radomiak – Vidzev 1:1
Qollar: R.Dadaşov, 90 – Y.Şehu, 14
