Ukrayna prezidenti Vladimir Zelenski prezident Donald Tramp və vitse-prezident Cey Di Venslə görüşdə münaqişə vəziyyətinə görə üzr istəməlidir.
Modern.az xəbər verir ki, bunu ABŞ dövlət katibi Marko Rubio CNN telekanalına müsahibəsində deyib.
Dövlət Departamentinin rəhbəri Zelenskini dünənki danışıqları fiaskoya çevirdiyinə görə üzr istəməyə çağırıb.
“Ağ Evə gəlib düşməncəsinə davranmağa ehtiyac yoxdu” deyən Rubio əlavə edib ki, Zelenski onların vaxtını boş yerə sərf etdiyinə görə üzr istəməlidir.
Onun sözlərinə görə, Zelenski aqressiv davranaraq başqalarını danışıqlar masasına oturmağa məcbur edə bilməz.
