Beynəlxalq Valyuta Fondu (BVF) Ukrayna üçün kredit proqramının yeddinci baxışını yekunlaşdırıb və Kiyev administrasiyası ilə 400 milyon dollar məbləğində ödənişlə bağlı razılığa gəlib.
Beynəlxalq Valyuta Fondu (BVF) bəyan edib ki, BVF və Ukrayna rəsmiləri 15,5 milyard dollar dəyərində 4 illik maliyyə paketinin yeddinci nəzərdən keçirilməsi ilə bağlı heyət səviyyəsində razılığa gəliblər.
Bəyanatda qeyd olunub ki, BVF İcraiyyə Şurasının təsdiqi və Ukraynanın tədiyə balansının ehtiyaclarına uyğunlaşma şərti ilə ölkənin təxminən 400 milyon dollara çıxışı ola bilər.
BVF-nin açıqlamasında bildirilir ki, son maliyyələşdirmə ilə proqram çərçivəsində ölkəyə edilən ümumi ödənişlər 10,1 milyard dollara çatacaq.
Müharibə Ukrayna xalqına, iqtisadiyyatına və infrastrukturuna ziyan vurmaqda davam etdiyi üçün perspektiv son dərəcə qeyri-müəyyən olaraq qalır.
