Türkiyə London sammitinə Ukrayna ilə bağlı bu təkliflə gedir
Türkiyə Londonda keçiriləcək Avropa sammitində Ukrayna ilə bağlı təkliflərini açıqlayacaq.
AzPost bildirir ki, bu barədə Reuters məlumat yayıb.
Xəbərdə qeyd edilir ki, Türkiyə Avropa liderlərinin London görüşündə Ankaranın Ukrayna və Rusiya arasında birbaşa sülh danışıqlarının aparılması təklifini təkrarlayacaq.
Agentliyin məlumatına görə, ölkənin Xarici İşlər Nazirliyi 2022-ci ilin martında Ukrayna və Rusiya arasında birbaşa danışıqlara ev sahibliyi edən Türkiyənin yaxın gələcəkdə bu rolu yenidən öz üzərinə götürməyə hazır olduğunu vurğulayacaq.
Danışıqlarda iştirak edən tərəflərin diqqətini “uzunmüddətli regional təhlükəsizlik və sabitlik, eləcə də iqtisadi rifah məsələləri” üzərində cəmləməli olacağı gözlənilir.
