Suriya təhlükəsizlik qüvvələrinin xüsusi təyinatlıları Dəməşq ətrafında silahlı dəstə üzvləri ilə toqquşub. Bu barədə Suriya telekanalına regional daxili işlər idarəsinin rəisi, polkovnik Hussam əl-Tahan məlumat verib.
"Paytaxt ətrafında polis patruluna hücumdan sonra atışma baş verir, nəticədə bir zabit ölüb, onu müşayiət edən zabit girov götürülüb", - o deyib.
Əl-Tahanın sözlərinə görə, banda paytaxtın kənarında gizlənən və vaxtaşırı silahlı hücumlar həyata keçirən keçmiş rejimin tərəfdarları ilə bağlıdır. "Hadisədə iştirak edənlərin təqib edilməsi istiqamətində əməliyyat aparılır, bütün cinayət ünsürləri saxlanılacaq", - o, əmin edib.
Əziz Mustafa, Oxuməni.az
