Oruc zamanı bədənin uzun müddət ac və susuz qalması enerji səviyyəsinin azalmasına səbəb ola bilər.
Lakin düzgün qidalanma və həyat tərzi vərdişləri ilə bu halın qarşısını almaq mümkündür.Zülalla zəngin qidalar istehlak edinYumurta, qatıq və pendir kimi proteinlə zəngin qidalar əzələ itkisinin qarşısını alır və enerji səviyyəsini qoruyur.
Sağlam yağları rasiona daxil edinAvokado, qoz, badam və digər sağlam yağlar uzunmüddətli enerji mənbəyidir və bədəni gücləndirir.
Kifayət qədər su içinİmsakda bol su içmək gün ərzində susuz qalmanın qarşısını alır. Oruc açdıqdan sonra isə ən azı 8-10 stəkan su içmək tövsiyə edilir.
Qidaları yavaş-yavaş yeyinİftarda birdən çox yemək əvəzinə, qidaları tədricən və yaxşı çeynəyərək yemək həzmi asanlaşdırır və enerji səviyyəsini tarazlaşdırır.
Şəkərli və yağlı qidalardan çəkininHəddindən artıq şəkərli və yağlı qidalar qan şəkərinin kəskin dəyişməsinə səbəb olur, bu da enerjinin tez tükənməsinə gətirib çıxarır.
Bitki çaylarına üstünlük verinKofeinli içkilər əvəzinə cökə və lavanda kimi bitki çayları susuzluğu yatırtmağa və rahatlıq yaratmağa kömək edir.
İftardan sonra yüngül gəzintilər edinYüngül gəzinti həzmi asanlaşdırır və enerji səviyyəsini qorumağa kömək edir.
Ağır fiziki yüklənmədən çəkininGərgin idman hərəkətləri enerji itkisinə səbəb ola bilər. Bunun əvəzinə yüngül fiziki fəaliyyətlərlə bədəninizi aktiv saxlamaq daha faydalıdır.
Kifayət qədər yuxu alınYuxu çatışmazlığı gün ərzində yorğunluq hissini artırır. Ramazan ayında yuxu rejimini qorumaq orqanizmin enerjisini saxlamağa kömək edir.
İmsakdan sonra dərhal yatmayınİmsakdan sonra dərhal yatmaq mədə narahatlığına səbəb ola bilər. Bunun qarşısını almaq üçün yüngül gəzinti və ya istirahət etmək tövsiyə olunur.
Stressdən uzaq durunStress bədənin enerjisini tükəndirir və yorğunluğu artırır. Dərin nəfəs alma, meditasiya və rahatlaşdırıcı fəaliyyətlər bu prosesi yüngülləşdirə bilər.
Həkim məsləhəti alınXroniki xəstəlikləri olan şəxslər Ramazandan əvvəl həkimlə məsləhətləşməli və dərman qəbulunu düzgün tənzimləməlidirlər. Xüsusilə şəkərli diabet xəstələri qan şəkərinin səviyyəsinə nəzarət etməlidirlər.
Bu qaydalara riayət etməklə Ramazan ayında enerjili qalmaq və sağlam şəkildə oruc tutmaq mümkündür.//E-saglam.az
