Ağ Evdə qalmaqallı mübahisə zamanı Ukrayna Prezidenti Vladimir Zelenski iki ABŞ liderinə Ukraynadakı müharibə ilə bağlı vəziyyəti izah etməyə çalışarkən düzgün addım atıb.
Axar.az xəbər verir ki, bunu Kanadanın Baş naziri Castin Trüdo deyib.
"Hər fürsətdə faktları mümkün qədər aydın şəkildə təqdim etmək vacibdir", - o bildirib.
O vurğulayıb ki, 2022-ci ildə baş verənlər Rusiyanın Ukraynaya ilk müdaxiləsi deyil, Moskva əvvəllər əldə edilmiş mövcud barışıq rejimini pozub.
Trüdo qeyd edib ki, Rusiya sadəcə olaraq hücumu dayandırsa, müharibəni sabah bitirə bilər.
