Aktyor Bleyk Layvli və rejissor Castin Baldoni arasında aparılan təqib və qarayaxma kampaniyasında MKİ və Ağ Evin keçmiş əməkdaşı Nik Şapiro işə qarışıb.
Hafta.az-ın “Variety”a istinadən yazdığına görə, Layvli Şapironu "PR böhran meneceri" kimi işə götürüb.
Aktrisanı təmsil edən hüquq firması Willkie Farr & Gallagher-in rəsmisi, Şapironun kommunikasiya strategiyası üzrə məsləhətçi kimi xidmət edəcəyini söyləyib.
Şapiro təxminən 15 il Ağ Evdə və CIA-da milli təhlükəsizlik və strateji kommunikasiyalar sahəsində çalışıb. Keçmiş prezident Barak Obamanın milli təhlükəsizlik üzrə müşaviri vəzifəsində çalışan Şapiro Boston Marafonu hücumu, Fukusima nüvə fəlakəti və “donuz qripi” epidemiyası kimi böyük hadisələrdə böhranın idarə olunmasına dəstək verib. O, həmçinin MKİ-nin direktor müavini vəzifəsində çalışıb.
2015-ci ildə özəl sektora keçən Şapiro, ictimaiyyətlə əlaqələr sahəsində böhranların idarə edilməsi və strateji kommunikasiya məsləhət firması olan 10th Avenue Consulting-i qurub.
Xəbərdə Layvlinin Şapironu komandaya əlavə etməsi "qeyri-adi" kimi təsvir edilir, çünki işin heç bir siyasi tərəfi yoxdur.
Layvli, 2024-cü ilin dekabrında Baldoni və sahibi olduğu Wayfarer Studio-ya qarşı iddia qaldırarkən direktoru təqib etməkdə günahlandırıb. Aktrisa Baldoninin “It Ends With Us” filminin çəkilişlərində icazəsiz onun treylerine girdiyini və çəkiliş zamanı “improvizə” fiziki təmasda olduğunu iddia edib.
Filmin rejissoru və baş rol ifaçısı Baldoni ilə yanaşı, digər prodüserlərlə də görüş keçirildiyini deyən Layvli bu görüşə həyat yoldaşı Rayan Reynoldsun da qatıldığını və çəkiliş meydançasında şəraitin yaxşılaşdırılması üçün plan hazırlandığını bildirib. Layvli, çəkilişlər tamamlandıqdan sonra Baldoni və komandasının daxili mesajların görüntülərini paylaşaraq ona qarşı "böhtan kampaniyası" başlatdıqlarını iddia edib. Baldoni ittihamları rədd edərək, Layvli və Reynoldsa qarşı iddia qaldırıb.
Nyu York Federal Hakimi Luis J. Liman işə 9 mart 2026-cı ildə baxılacağını açıqlayıb.
