Beynəlxalq Cüdo Federasiyası yeni reytinq cədvəlini açıqlayıb.
Beynəlxalq Cüdo Federasiyası (IJF) Özbəkistanın paytaxtı Daşkənddə keçirilən “Böyük Dəbilqə” turnirinin başa çatmasından sonra yeni reytinq cədvəlini açıqlayıb.
"Operativ Media" xəbər verir ki, turnirdə iştirak etməmələrinə baxmayaraq, olimpiya çempionları Hidayət Heydərov (73 kq, 7360 xal) və Zelim Kotsoyev (100 kq, 6112) reytinq cədvəlinin zirvəsindəki mövqelərini qoruyublar.
Daşkəndin gümüş mükafatçısı Turan Bayramov (60 kq) aktivinə 700 xal əlavə edərək 8 pillə irəliləyərək, hazırda 9-cu yerdədir (3353).
İlk onluğa Rəşid Məmmədəliyev (73 kq, 3757), Zelim Tsakaev (81 kq, 3900) və Elcan Hacıyev (90 kq, 3432) da daxildir.
