Beynəlxalq Futbol Assosiasiyaları Federasiyası (FİFA) Pakistan Futbol Federasiyasının (PFF) fəaliyyətinin müvəqqəti dondurulması ilə bağlı əvvəlki qərarını ləğv edib.
Fanat.Az xəbər verir ki, bu barədə təşkilatın rəsmi saytı açıqlama yayıb.
Bundan əvvəl, fevralın əvvəlində FİFA PFF-yə qarşı təşkilatın yenilənmiş nizamnamələri qəbul etməməsi səbəbindən sanksiyalar tətbiq etmişdi. Tələblərə görə, sənədin yenidən işlənmiş variantı federasiyanın fəaliyyətinin normallaşdırılması prosesi üçün əsas şərt olan ədalətli və demokratik seçkilərə təminat verməli idi.
FİFA-nın rəsmi bəyanatında deyilir ki, PFF bütün nəzərdə tutulan tələblərə tam əməl etdikdən sonra təşkilatın Şura Bürosu məhdudiyyətləri aradan qaldırmaq qərarına gəlib. Federasiya FİFA və Asiya Futbol Konfederasiyası (AFC) ilə razılaşdırılmış nizamnamənin yeni variantını yekdilliklə təsdiqləyib.
MiraÄŸa
