Ukrayna prezidenti Volodimir Zelenskinin ABŞ prezidenti Donald Trampdan üzr istəməsi iki ölkə arasında münasibətləri yaxşılaşdırmaq üçün kifayət etməyə bilər.
“İki sahil”in məlumatına görə, adı açıqlanmayan avropalı diplomatlar “Bloomberg”ə bildiriblər ki, birincisi Vaşinqtonun rəğbətini bərpa etmək üçün, çox güman ki, Ağ Evin qarşısında "geri çəkilməli olacaq".
Onların fikrincə, Tramp öz hərəkətləri ilə, o cümlədən Kiyevə yeni hərbi tədarükün dayandırılması ilə Zelenskiyə maksimum təzyiq göstərməyə çalışır ki, Zelenski açıq şəkildə üzr istəsin və ABŞ-la minerallarla bağlı müqavilə imzalasın.
Məlumata görə, Böyük Britaniya və Fransanın nümayəndələri özəl olaraq Zelenskini Amerika prezidenti ilə münasibətlərini yaxşılaşdırmaq üçün hər cür səy göstərməli olduğuna inandırmağa çalışırlar.
“Bloomberg” qeyd edir ki, Avropa NATO ölkələrinin Ukraynaya hərbi dəstəyi genişləndirmək vədlərinə baxmayaraq, öz resursları bunun üçün kifayət etməyə bilər. Mənbələrə görə, Aİ-yə fasiləsiz silah tədarükü bu ilin yayına qədər davam edə bilər. Bu fonda avropalıların ABŞ-ın dayandırdığı hərbi yardımını artırmaq üçün müraciət edə biləcəyi yerli müdafiə şirkətlərinin səhmlərinin qiyməti çərşənbə axşamı Asiya-Sakit okean regionunda artıb.
Məhərrəm Ağalaroğlu, “İki sahil”
