İvaya "Yaponiya üzərindən məsuliyyəti keçirmək tamamilə qəbuledilməzdir," deyə açıqlama verərək, Tokionun Ukraynadakı vəziyyətin Yaponiyanın Rusiyaya qarşı tədbirlərinin əsas səbəbi olduğunu təkrarlayıb. O həmçinin, Rusiyaya qarşı etirazlarını bildirmək niyyətində olduqlarını əlavə edib.
Eyni zamanda, İvaya Rusiya tərəfi ilə dialoqun davam etdirilməsinin vacibliyini vurğulayıb. "Yaponiya ilə Rusiya arasındakı əlaqələr hal-hazırda çətindir, amma bir çox məsələlər var ki, xüsusilə diplomatik agentliklər arasında həll edilməlidir, buna görə də Rusiya ilə əlaqə saxlamaq zəruridir," deyə bildirib.
"O baxımdan, Rusiyaya daxil olmağımın qadağan edilməsini təəssüf doğurur. Biz münasibətlərimizi düzgün idarə etmək üçün Rusiyalı tərəfdaşlarla əlaqə saxlamağa davam etmək istəyirik," - İvaya əlavə edib.
Martın 3-də Rusiya Xarici İşlər Nazirliyi Yaponiya ilə bağlı tətbiq olunan sanksiya siyasətinə cavab olaraq, doqquz Yaponiyalı vətəndaşın Rusiyaya girişini qadağan etdiyini açıqlayıb. Bunlar arasında İvaya, Yaponiyanın Ukraynadakı səfiri Maşaşi Nakagome, keçmiş səfir Kuninori Matsuda, Yaponiya Beynəlxalq Əməkdaşlıq Agentliyinin (JICA) baş vitse-prezidenti Şohey Hara, Ukraynadakı JICA ofisinin rəhbəri Hideki Matsunaga, həmçinin IHI Corporation, Isuzu Motors Limited, Prodrone və Cyberdyne şirkətlərinin prezidentləri yer alıb.
