ABŞ Prezidenti Donald Trampla Floridadakı Mar-a-Laqo iqamətgahında təkbətək nahar etmək imkanı təxminən 5 milyon dollara başa gələ bilər.
Yeniavaz.com xəbər verir ki, bu barədə “Wired” jurnalı mənbələrə istinadla məlumat yayıb.
Eyni zamanda, nəşr yazır ki, ötən həftə Mar-a-Laqoda bir neçə nəfər üçün şam yeməyi təşkil edilib, tədbirdə iştirak etmək imkanı üçün hər bir qonaqdan 1 milyon dollar tələb olunub.
Digər tərəfdən, Trampla şam yeməyində iştirakın təsdiqi ilk gələnə birinci xidmət prinsipi əsasında həyata keçirilib.
