Finss.az - Böyük Britaniyanın enerji şirkəti BP, maliyyə nəticələrindən narazı olan səhmdarlarının təzyiqi ilə bərpa olunan enerji sahəsinə olan investisiyalarını azaldaraq, neft və qaz istehsalını artırmağa qərar verib.
Şirkət əvvəlcə 2030-cu ilə qədər neft və qaz hasilatını 40% azaldacağını planlaşdırmışdı, amma 2023-cü ildə bu hədəfi 25%-ə endirmişdi. Lakin bu plandan tamamilə imtina edərək "yaşıl" enerji layihələrinə ayrılan maliyyəni yarıbayarı kəsib.
BP-nin 2024-cü ilin sonuna qədər olan təmiz mənfəəti 13,8 milyard dollardan 8,9 milyard dollara düşüb. Bu, səhmdarların qazancın artırılmasını istəməsinə və fosil yanacaqlarının hasilatının artırılmasına dair tələblərini daha da gücləndirib. Nəticədə, BP strateji kursunu dəyişmək məcburiyyətində qalıb.
Lakin, şirkətin bu qərarı birmənalı qarşılanmayıb. Bəzi investorlara görə, BP hər hansı bir strateji dəyişiklik üçün səsvermə hüququ verməlidir. Eyni zamanda, ekoloji təşkilatlar BP-nin bərpa olunan enerji layihələrinə olan maliyyə dəstəyini azaldıb, bu addımın iqlim dəyişikliyi ilə mübarizədə geriləmə olduğunu bildiriblər.
BP, artıq öz külək enerjisi aktivlərini Yaponiyanın Jera şirkətinə təhvil verib və günəş enerjisi layihələrində yeni tərəfdaşlar tapmağı düşünür. Lakin şirkətin əsas diqqəti artıq neft və qaz istehsalına yönəlmiş vəziyyətdədir.
