Amerikalıların 70 faizi Trampa inanmır – Sorğunun nəticələri

ABŞ Prezidenti Donald Tramp və yaxın ətrafı Ukraynanın məruz qaldığı işğalçılıq müharibəsinə görə Ukraynanın özünü günahlandırdığı halda, amerikalıların böyük əksəriyyəti buna inanmır.

“Reuters” agentliyinin “IPSOS” sorğusunun nəticələrinə istinadla verdiyi məlumata görə, ABŞ vətəndaşlarının 70%-i Rusiyanın başlatdığı müharibədə guya Ukraynanın günahkar olmasına inanmır. Respondentlərin 70%-i cavab verib ki, onlar Ukraynanı müharibədə günahkar hesab etmirlər. Amerikalıların yalnız 7%-i bu məsələdə Trampın dediklərinə inanır və onunla eyni fikri bölüşür. Respondentlərin 23%-i isə bu sualın cavabını bilmədiklərini, ya da cavab vermək istəmədiklərini deyiblər.