Həyəcan siqnalı: Boşanmaların əsas səbəbi alimentdir deyənlərə CAVAB

“Son illərdə boşanma hallarının təxminən 50 faizə çatması, yəni bir il ərzində nikaha girənlərin 50 faizinin boşanması, cəmiyyətdəki ailə münasibətləri ilə bağlı narahatlıq doğuran bir rəqəmdir. Bu dəhşətli statistik göstəricidir. Boşanmanın səbəbləri çox mürəkkəb və çoxşaxəlidir. Bu məsələnin bir neçə əsas səbəbi ola bilər, amma bunu ümumiləşdirmək və yalnız bir amilə bağlamaq düzgün deyil”

Bunu Moderator.az-a açıqlamasında sosioloq, pedaqoq, fəlsəfə doktoru Mail Yaqub deyib.

Onun sözlərinə görə, bəzi insanlar alimentin boşanmanın əsas səbəbi olduğunu düşünür, lakin bu, doğru deyil. Aliment yalnız uşağın gündəlik xərclərinin kiçik bir hissəsini ödəyir və uşağın böyüdülməsi üçün kifayət etmir:

“Alimentin, sadəcə boşanma qərarına səbəb olması ehtimalı azdır, çünki bu, yalnız maddi çətinlikdən ibarət bir məsələ deyil. Boşanma qərarına təsir edən digər amillər arasında tərəflərin münasibətlərindəki narazılıqlar, şəxsiyyətlərarası uyğunsuzluqlar, psixoloji gərginliklər və daha çox digər sosial səbəblər var. Ailədəki vəziyyət dözülməz həddə çatdıqda, tərəflər bir-birinə qarşı aqressiv və ya soyuq davranmağa başlayırsa, bu da boşanma qərarına səbəb ola bilər. Psixoloqlar deyir ki, insanın bəzi qərarları səbəbsiz məntiqsizdir. Buna “mainless churning" deyilir ki, bu bəzi qərarların məntiqsiz və səbəbsiz şəkildə verilməsini təsvir edən bir anlayışdır. Bəzi boşanmalarda məntiqsizlik müşahidə edilir. Məsələn, kiçik bir narazılıq və ya anlaşılmazlıq üzündən tərəflərdən biri dərhal boşanma qərarı verir”.

Sosioloq hesab edir ki, Azərbaycanın hazırkı boşanma tendensiyalarını anlamaq üçün sorğular və tədqiqatlar aparılmalıdır:

“Sosial Tədqiqatlar Mərkəzi kimi təşkilatlar bu məsələlərə aydınlıq gətirə bilər və bizə daha dəqiq məlumatlar təqdim edə bilər. Məsələn, 2000-3000 boşanmış cütlük arasında anket sorğusu aparmaq, bizə bu tip qərarların nə dərəcədə geniş yayıldığını göstərərdi. Alimentin, uşaq böyütmək və gündəlik ehtiyacları qarşılamaq üçün vacib olduğunu bilirik, amma bunun bir ailənin boşanma qərarına gətirib çıxarması ehtimalı olduqca azdır. Aliment yalnız uşağın ehtiyaclarının kiçik bir hissəsini qarşılayır”.

Mehin Mehmanqızı

Həyəcan siqnalı: Boşanmaların əsas səbəbi alimentdir deyənlərə CAVAB

Sign in to your account

Sign up

Şifrəni bərpa et