“Kəpəz” Misli Premyer Liqasının XXV turunda “Neftçi” üzərində vacib qələbə qazanıb – 1:0.
İdmanxeber.az-a verilən məlumata görə, rəhbərlik bu qalibiyyətə biganə qalmayıb. Bu matçdakı qələbəyə görə, futbolçuların hər birinə 2000 manat pul mükafatı ayrılıb.
Qarşıdakı “Sumqayıt” görüşü üçün də rəhbərlik “premya” sözü verib. Hətta komanda Sumqayıtdan 3 xalla dönəcəyi təqdirdə, oyunçulara bundan daha yüksək məbləğdə pul mükafatı alacaqları bildirilib.
Xatırladaq ki, “Sumqayıt” – “Kəpəz” matçı martın 10-da, saat 17:00-da start götürəcək.
