Sosial şəbəkələrdə yayılan məlumata görə, mağazalarda “Sirab” və “Badamlı” adı ilə satılan mineral suların qiymətində artım olub. İddialara əsasən, hər iki məhsulun qiyməti 20 faiz bahalaşıb.
Yenisabah.az bir neçə marketdən “Sirab” və “Badamlı” sularının qiymətlərini öyrənib.
Məlum olub ki, hazırda satışda təklif olunan eyni ölçüyə malik (0.5 litr) “Sirab” markalı suyun qazsızı 60 qəpik, qazlı olanı isə 70 qəpiyə təklif olunur.
Bir çox marketlərin onlayn satış saytlarında isə həmin sular daha öncə 50 qəpiyə satılırdı. Sözügedən 20 faizlik qiymət artımı “Badamlı” sularında da özünü göstərməkdədir. Satışda “Badamlı”nın (0.5 litr) plastik qazlı və plsatik qapda olanı 50 qəpiyə, 1 litri isə 80 qəpiyə təklif edilir.
Hazırda satışda “Sirab” suyunun 0.5 litrlik şüşə qablaşdırmasının qiyməti 1 manat 30 qəpik (qazlı və qazsız), 1 litrlik plastik qablaşdırılması isə 1 manata (qazlı) (qazsız isə 90 qəpik) satılır.
Nazim Hacıyev
Telegram kanalımız
