“Bavariya”nın hücumçusu Harri Keyn Çempionlar Liqasının 1/8 final mərhələsinin “Bayer”lə ilk oyununda dubla imza atıb.
Msport.az xəbər verir ki, İngiltərə millisinin üzvü Münhen klubuna keçidindən bəri bütün turnirlərdə 75-ci qolunu vurub.
Bu, 2023-cü ilin yayından indiyə qədər Avropanın Top-5 liqalarında ən yaxşı göstəricidir.
Keyn eyni zamanda qeyd olunan dövrdə Çempionlar Liqasında ən çox qol vuran futbolçu olub (17 qol). Cari mövsüm onun aktivində 9 qol var ki, bu da ÇL-də bir ingilis futbolçusu üçün rekord göstəricidir.
Qeyd edək ki, “Bavariya” “Bayer”i 3:0 hesabı ilə məğlub edib.
