"Alibaba Group"un səhmləri son həftələrin ən yüksək artımını qeydə alıb.
Valyuta.az xəbər verir ki, şirkət yalnız qismən mövcud olan məlumatlarla "DeepSeek" qədər yaxşı nəticə göstərdiyini iddia etdiyi modelini təqdim etdikdən sonra səhmlərində ciddi yüksəliş müşahidə olunub.
Çinin elektron ticarət nəhəngi olan "Alibaba" 2025-ci ildə yüksək səviyyəli rəqib modellər arasında ön plana çıxaraq yerli süni intellekt sektorunda diqqət çəkib. Şirkət cümə axşamı "QwQ-32B" modelini açıq mənbə şəklində istifadəyə verib. Bu platforma "DeepSeek"in "R1" modelinin istifadə etdiyi parametrlərin və ya məlumat vahidlərinin cəmi 5 faizindən yararlanan əvvəlki versiyaya nisbətən əhəmiyyətli irəliləyiş əldə edib.
"Alibaba"nın səhmləri Honkonq birjasında 7,5 faizədək bahalaşaraq son iki həftənin ən yüksək gündəlik dəyərinə çatıb. Texnologiya şirkəti bu il təxminən 135 milyard dollar bazar dəyəri qazanaraq yüksəlişini davam etdirir.
"Union Bancaire Privee"dən Vey-Sern Linq bildirib: "Açıq mənbəli süni intellekt modeli 'Alibaba' üçün son dövrlərdəki mühüm katalizatorlardan biridir. Şirkətin əsas fəaliyyəti inkişaf edir və Çində istehlakın artırılması səylərindən faydalanacağı açıqdır. İnvestorlar artıq süni intellektin bulud xidmətlərinə gətirəcəyi dəyəri də qəbul edirlər".
Paşa Məmmədli
