İsrail hakimiyyəti Qəzza sakinlərinin başqa ölkələrə könüllü köçürülməsi üçün mexanizmlərin hazırlanmasını başa çatdırıb.
"Operativ Məlumat Mərkəzi-OMM" xəbər verir ki, bu barədə “İsrail Hayom” qəzeti yazır.
Mənbəyə görə, plan gündə 2,5 minə qədər insanın "mütəşəkkil gedişini" nəzərdə tutur.
Nəşr qeyd edir ki, hazırlıq Yəhudi Dövlətinin müdafiə naziri İsrael Katsın əmri ilə həyata keçirilib. Hazırda söhbət iki marşrutdan gedir - hava və dəniz. Birinci halda, köçürmə İsrailin ən cənubunda yerləşən Eylat şəhəri yaxınlığındakı Ramon Hava Limanından, ikinci halda, Qəzza zolağı ilə sərhəddən 25 km şimalda yerləşən Aralıq dənizi Aşdod şəhərinin limanından köçürülməlidir.
Bu hazırlıq tədbirləri ABŞ Prezidenti Donald Trampın Qəzza sakinlərinin genişmiqyaslı yenidənqurma işləri üçün oraya köçürülməsi təklifinə uyğun olaraq həyata keçirilib.
