Rusiya prezidenti Vladimir Putin və Qazaxıstan prezidenti Kasım-Jomart Tokayev arasında telefon danışığı olub.
Bu barədə Kremlin mətbuat xidməti məlumat yayıb.
“İkitərəfli əməkdaşlığın gələcək inkişafı ilə bağlı bəzi cari məsələlər, o cümlədən ticarət-iqtisadi və enerji sahələrində birgə layihələrin həyata keçirilməsi müzakirə edilib”, – məlumatda deyilir.
Mətbuat xidməti qeyd edib ki, layihələr “ Putinin 2024-cü ilin noyabrında Qazaxıstana dövlət səfəri zamanı əldə olunmuş razılaşmalar” çərçivəsində həyata keçirilir.
Bundan əvvəl Qazaxıstan prezidenti Kasım-Jomart Tokayev Rusiya Təhlükəsizlik Şurasının katibi Sergey Şoyqu ilə görüşündə Rusiya lideri Vladimir Putinə salamlarını çatdırıb.
DOĞRU.AZ
