Sağlam və ləzzətli çay içmə üsulu olan limonlu çayın həm dadından, həm də faydalarından faydalanmaq üçün bəzi məsləhətlərə diqqət yetirmək lazımdır.
News24.az bildirir ki, limonlu çayı düzgün dəmləmək üçün aşağıdakı bəzi məsələlərə riayət etmək lazımdır:
Təzə və keyfiyyətli inqrediyentlər:
Limonlu çayın ləzzətli və sağlam olması üçün çay yarpaqlarından içməli su və limonlara qədər bütün maddələrin həm təmiz, həm də təzə olması vacibdir. Bayat və ya xlorlu su ilə dəmlənən çayın dadı pis olacaq.
Suyun temperaturu:
Çayın dadlı olması üçün su qaynamalıdır. Lakin su uzun müddət qaynayanda onun tərkibindəki oksigenin miqdarı azalır və bu, çayın dadına mənfi təsir göstərir. Suyun qaynama nöqtəsinə çatması kifayətdir.
Dəmləmə vaxtı:
Çay yarpaqlarını uzun müddət dəmləmək çayın çox acı dadına səbəb olacaq. Yarpaqların dadını suya buraxması üçün çayı 3-5 dəqiqə dəmləmək kifayətdir.
Limon əlavə etmək vaxtı:
Çaya limon dilimini əlavə edərkən də diqqətli olmalısınız. Çay qaynayarkən limon əlavə etmək, tərkibindəki C vitamininin yox olmasına səbəb olacağı üçün çayın 70-80 dərəcə soyumasını gözləyin.
Daha sonra şəkər və tatlandırıcı əlavə edin:
Çaya birbaşa şəkər əlavə etmək, limonla reaksiyaya girdiyi üçün çayın dadının pozulmasına səbəb olacaq. Çayınızın şirin olmasını istəyirsinizsə, şəkər əlavə etməzdən əvvəl bir az soyumasını gözləyin.
Zəhraxanım Şeydayeva
