ABŞ-da yerləşən işəgötürənlər fevral ayında 172 min 17 iş yerini ixtisar etdiklərini açıqlayıblar. Bu, 2020-ci ildən bəri ən böyük işçi ixtisarıdır.
Marja xəbər verir ki, bu barədə "Reuters" "Challenger, Gray & Christmas" işəqəbul şirkətinin məlumatlarına istinadən yazır.
"Challenger, Grey & Christmas" şirkətinin baş vitse-prezidenti Endryu Çellencerin sözlərinə görə, fevral ayında özəl şirkətlər, xüsusən pərakəndə satış və İT sektorlarında minlərlə işçini ixtisar etdiyini elan edib.
Bundan əlavə, işçilərin ixtisarının artmasına ABŞ Hökumətinin Səmərəliliyi Departamentinin tədbirləri (federal dövlət qurumları ötən ay 62 mindən çox insanı işdən çıxarıb), hökumət müqavilələrinin ləğvi, ticarət müharibələri və korporativ sektorda iflas qorxusu təkan verib.
Qeyd edilib ki, Prezident Donald Tramp administrasiyasının siyasətləri əmək bazarına zərər vurur.
"Challenger, Gray & Christmas" iş yerlərinin ixtisarının keçən ay 245% artaraq 172 min 17 nəfərə çatdığını, bunun iqtisadiyyatın COVID-19 pandemiyasının təsirində olduğu 2020-ci ilin iyulundan bəri ən yüksək səviyyə olduğunu qeyd edib. Həmçinin bu, 16 il əvvəl Böyük Tənəzzüldən bəri ən yüksək fevral göstəricisidir.
Hökumət ixtisarların böyük hissəsini həyata keçirib. Belə ki, hökumət 62 min 242 iş yerinin ixtisar edib. Hökumət ilin ilk iki ayında təxminən 62 min 530 nəfəri işdən çıxarıb ki, bu da 2024-cü ilin eyni dövrü ilə müqayisədə 41,311% artım deməkdir.
"Kütləvi ixtisarlar baş verdikdə, bu, qalan işçiləri narahat və qeyri-müəyyən hiss edir", - "Challenger, Grey & Christmas" şirkətinin baş vitse-prezidenti Andrew Challenger deyib.
