ABŞ-ın maliyyə naziri Scott Bessent cümə axşamı bildirib ki, əgər bu, Ukraynada atəşkəsin əldə olunmasına kömək edərsə, ABŞ Rusiya enerjisinə qarşı tam sanksiyalar paketi tətbiq etməkdən çəkinməyəcək, həmçinin İrana qarşı sanksiyaları gücləndirəcək.
Bloomberg Bessentdən sitat gətirir: "Rusiyaya qarşı sanksiyalar dərhal maksimum effekt əldə etmək üçün açıq və israrlı şəkildə tətbiq olunacaq".
Tramp administrasiyası Ukraynanı Rusiya ilə atəşkəsə razı salmağa çalışır və Bessent Rusiyaya qarşı əlavə sanksiyaların ABŞ-ın danışıqlarda daha çox təsir rıçaqları əldə etməsinə kömək edə biləcəyini söylədi.
Bundan əlavə, Bessent İrana qarşı ölkənin neft sektorunu məhdudlaşdırmaq məqsədi daşıyan sanksiyaların gücləndirildiyini açıqlayıb. Maliyyə Nazirliyinin rəhbəri təklif edib ki, ABŞ bu siyasət çərçivəsində Tehrana neftin dünya bazarına çıxarılmasına kömək edən ölkələrlə əməkdaşlıq etməli olacaq. Belə ölkələrdən biri çox güman ki, bu həftənin əvvəlində ABŞ-a nüvə proqramını dayandırmaq üçün İranla danışıqlarda kömək etməyə hazır olduğunu bildirən Rusiya olacaq.
Əziz Mustafa, Oxuməni.az
