BAKI, TurkicWorld
ABŞ dövlət katibi Marko Rubio bildirib ki, “HƏMAS-ı dəstəkləyən” xarici tələbələrin vizaları ləğv edilə bilər.
TurkicWorld AzerVoice-a istinadən xəbər verir ki, Rubio X sosial media platformasında ABŞ-ın terrorçuları dəstəkləyən əcnəbi tələbə və ziyarətçilərə qarşı heç bir tolerantlıq göstərməyəcəyini bildirib.
Rubio vurğulayıb ki, ABŞ qanunlarını pozan xarici tələbələr deportasiya riski ilə üzləşir. Onun sözlərinə görə, ABŞ Dövlət Departamenti bu məsələdə süni intellekt dəstəyi ilə geniş araşdırmalar aparacaq.
ABŞ-da yayımlanan Axios xəbər saytının məlumatına görə, yüksək səviyyəli rəsmilər "Tut və Ləğv Et" adlı araşdırma çərçivəsində on minlərlə əcnəbi tələbənin sosial media hesablarının incələnəcəyini bildiriblər. Süni intellekt vasitəsilə tələbələrin yazılarında 7 oktyabr 2023-cü il hadisələri ilə bağlı “Həması dəstəkləyən” ifadələrin olub-olmadığı araşdırılacaq.
Bundan əlavə, ABŞ rəsmiləri İsrail əleyhinə nümayişlər və yəhudi tələbələrin açdıqları məhkəmə iddialarının da diqqətlə izlənəcəyini açıqlayıb. Bu araşdırmaların nəticələrinə əsasən, müəyyən tələbələrin vizalarının ləğv ediləcəyi gözlənilir.
Qeyd edək ki, ABŞ-ın keçmiş prezidenti Donald Tramp yanvarın 30-da Fələstinə dəstək aksiyalarında iştirak edən tələbələrin deportasiya edilməsinə yol açan “antisemitizmlə mübarizə” sərəncamını imzalayıb. Bu addım ABŞ-da siyasi və hüquqi müzakirələrə səbəb olub.
