ABŞ Prezidenti Donald Tramp ötən gün imzaladığı sərəncamla Bitkoinin Strateji Ehtiyatını və digər rəqəmsal aktivlərin ehtiyatını yaradıb.
Ehtiyat, müsadirə yolu ilə əldə edilən bitkoinlərdən ibarət olacaq və hökumət bu aktivləri uzun müddət saxlayacaq. Bununla belə, bazar mövcud bitkoinlərin yeni alışlar deyil, ehtiyatlar adlandırılmasından məyus olub.Qərardan sonra bitkoinin qiyməti dəyişib.
“Cebheinfo.az” xəbər verir ki, Ağ Evin süni intellekt və kriptovalyuta üzrə rəsmisi Devid Saks sosial media platforması “X”-da ehtiyatın hökumət tərəfindən saxlanılan, cinayət və ya mülki müsadirə yolu ilə əldə edilən bitkoinlərdən yaradılacağını açıqlayıb.
Elandan sonra bu aktivlərin qiymətləri artsa da, ehtiyatın necə fəaliyyət göstərəcəyi və vergi ödəyicilərinə necə fayda verəcəyi ilə bağlı heç bir aydın çərçivə təqdim edilməyib.
Kriptovalyuta bazarları elandan sonra qarışıq bir kurs izləyib. Bitkoinin qiyməti elandan dərhal sonra 5 faizdən çox ucuzlaşaraq 85 min dollardan aşağı düşsə də, sonradan bərpa olunaraq 88 107 dollara yüksəlib. Bitkoin yönümlü hedcinq fondu “Capriole Investments”-in qurucusu Çarlz Edvards hökumətin hazırkı bitkoinlərinə sadəcə “dəbdəbəli ad” verildiyini söyləyib:
Müxaliflər bu addımın varlı investorlara fayda verdiyini, tərəfdarlar isə dövlətin əlində olan bitkoinlərin uzunmüddətli perspektivdə vergi ödəyicilərinə fayda verəcəyini iddia edirlər. Prezidentin sərəncamına əsasən, Xəzinədarlıq və Ticarət Nazirliyi hökumətin əlavə bitkoinlər əldə etməsinə imkan verəcək, lakin vergi ödəyicilərinə əlavə xərclər qoymayacaq şəkildə planlaşdırmaq tapşırılıb.
Trampın köməkçiləri iddia edirlər ki, Prezidentin biznes sövdələşmələri kənar etik məsləhətçilər tərəfindən yoxlanılır.
