Finss.az - Dolların təzyiq altında qalması fonunda qızılın qiymətləri 2891$-2930$ aralığında dalğalanmaqda davam edir.
Hal-hazırda qiymətli metalın qiyməti 2910$ səviyyəsində ticarət olunur. Qızıl bazarındakı bu dalğalanmalar, dolların zəifləməsi və investorların təhlükəsizlik axtarışları ilə əlaqələndirilir.
Eyni zamanda, neft qiymətləri də azalma tendensiyasını davam etdirir. Beynəlxalq bazarlarda “Brent” markalı neftin bir barrelinin qiyməti 69.80$ səviyyəsinə düşüb, bu da enerji sektorundakı qeyri-müəyyənliyi və iqtisadi böhranın təsirini əks etdirir.
Bundan əlavə, ABŞ-ın “SP500” indeksi də geriləyib. Dünən, 2024-cü ilin noyabr ayından bəri ilk dəfə olaraq, “SP500” indeksi 5710 bənd səviyyəsinə qədər geriləyib, bu da dünya iqtisadiyyatının və bazarların qeyri-müəyyənliyini göstərir.
Bu göstəricilər, investorların risklərini daha da diqqətlə qiymətləndirməsinə və bazarlarda qiymət dəyişikliklərinin daha da artmasına səbəb ola bilər.
