Amerikanın “Athena”( Afina) kosmik gəmisi cümə axşamı Ayın səthinə endi, lakin çox güman ki, səhv mövqedə enib, “Intuitive Machines” developer şirkətinin baş direktoru Stiv Altemus NASA-da keçirdiyi mətbuat konfransında bildirib.
Bununla belə, şirkət qeyd edir ki, eniş zamanı eniş qurğusu qəzaya uğramayıb.
Mons Muton yaylasına eniş ABŞ-ın şərq sahili vaxtı ilə saat 12:31-də (Bakı vaxtı ilə 21:31), Ayın Cənub Qütbündən təxminən 160 km aralıda edilib.
Qurğu ilə əlaqə var, lakin onun Aya hansı mövqedə enməsi barədə məlumat yoxdur. Missiyaya Nəzarət Mərkəzi eniş yerindən fotoşəkilləri gözləyir.
Fevralın 27-də işə salınan modul Ay səthinə gələcək insan missiyalarına hazırlaşmaq üçün NASA-nın elmi tədqiqatları və texnoloji sınaqlarının aparılması üçün nəzərdə tutulub.
Almaz Həsənli
