ABŞ prezidenti Donald Trampın Kanada mallarına rüsumları artırmaq qərarı Kanadada ciddi əks-səda doğurub.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, ölkə daxilində Amerika məhsullarının boykotları başlayıb və Kanadanın daxili siyasətində dəyişikliklər müşahidə edilib.
Tramp ilk dəfə Kanada idxalına geniş rüsumlar tətbiq etməklə hədələdikdən və ABŞ-ın şimal qonşusunu 51-ci ştat kimi qeyd etdikdən sonra ABŞ və liderinə qarşı düşmənçilik artıb.
Kanadalılar bayram planlarını ləğv edib, idman tədbirlərində Amerika himninə etiraz ediblər.
Bundan əlavə, Kanada və ABŞ arasında oynanılan xokkey matçı geosiyasi hadisəyə çevrilərək iki ölkə arasında gərginliyi daha da artırıb.
