“ABŞ prezidenti Donald Trampla mübahisə zamanı Vladimir Zelenski heç bir səhvə yol verməyib və Ukrayna bu münaqişəyə görə ABŞ-dan üzr istəməməlidir”.
Reyting.az xəbər verir ki, bunu Ukrayna Prezident Aparatı rəhbərinin müşaviri Mixailo Podolyak deyib.
“O, həm formada, həm də məzmunda tamamilə haqlı idi, əsas ideyanı amerikalı tərəfdaşlarımıza çatdırmağa çalışırdı: Rusiyaya təzyiq etmədən, heç nə alınmayacaq. Moskvanın könüllü güzəştlərinə ümid bəsləməklə müsbət nəticə əldə etmək mümkün deyil. Rusiyanın məcburiyyəti olmadan sülh danışıqları mümkün deyil. Ona görə də baş vermədiyi iddia edilən səhvə görə üzr istəməyəcəyik”, - deyə o bildirib.
Eyni zamanda, o vurğulayıb ki, Ukraynanın bir düşməni var - Vladimir Putin və Rusiya Federasiyası. Donald Tramp isə son günlərin bütün qızğın müzakirələrinə baxmayaraq, Ukraynanın tərəfdaşı olaraq qalır.
Podolyak qeyd edib ki, Ukrayna ABŞ-la konstruktiv münasibətləri davam etdirməli və fikir ayrılıqlarını ikitərəfli münasibətlər çərçivəsində həll etməlidir.
O, həmçinin mübahisə baş verdiyi Zelenski-Tramp görüşünün “müəyyən mənada faydalı olduğunu” bildirib.
“Bizim fikir ayrılıqlarımızı vurğulamaqla, biz öz fikirlərimizi aydınlaşdıra bilərik. Bunun əksinə olaraq, Birləşmiş Ştatlar Rusiyanın danışıqlar apara biləcəyimiz ölkə olduğuna inanmaqda davam edir. Fikir ayrılıqlarımızı ortaya qoyaraq, ümid edirəm ki, o zaman biz bir sıra məsələlərdə konsensusa gələ bilərik: Rusiya ilə danışıqlar apara bilmərik; o, sülh istəmir; o, mülki insanları bombalamağa davam edir, qloballaşmış dünyanı istəmir”,- Podolyak qeyd edib.
E. KAMAL
