Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyi Salyan rayonunda 32 ədəd 3 otaqlı ev alacaq.
Valyuta.Az xəbər verir ki, qurumun bununla bağlı elan etdiyi tenderə artıq yekun vurulub.
Əlilliyi müəyyən edilmiş şəxslər və şəhid ailələri üçün nəzərdə tutulan evlər üçün elan edilən tenderin qalibi fərdi sahibkar Əlisoy Natiq Hüseyn oğlu olub və tərəflər arasında 2.197.760 AZN dəyərində müqavilə imzalanıb.
Qeyd edək ki, Əlisoy Natiq həmçinin "Gulay-Food" MMC-nin də qanuni təmsilçisidir. Araşdırmalarımıza görə "Gulay-Food" MMC-nin 163 214.79 AZN vergi borcu var.
"Gulay-Food" MMC də daha öncə Sosial Xidmət Agentliyinin elan etdiyi milyonluq tenderin qalibi olub. Ötən il tərəflər arasında 6.120.880,66 AZN dəyərində müqavilə imzalanıb.
Maraqlıdır ki, 6 milyon manatlıq müqavilə imzalanan zaman da, indi də şirkətin nizamnamə kapitalı cəmi 1 manat olub.
Rəhim
