Slovakiyada baş nazir Robert Fitso hökumətinin siyasətinə qarşı minlərlə fəalın iştirak etdiyi etiraz aksiyaları keçirilib. Bu barədə Markiza telekanalı məlumat yayıb.
Etiraz aksiyaları “Slovakiya Avropadır!” şüarı altında keçirilib. Onları respublikanın parlament müxalifətinin liberal partiyalarına yaxın vətəndaş birlikləri təşkil edirdi. Etirazçılar nazirlər kabinetinin xarici siyasətini tənqid ediblər və bu siyasətin respublikanın Avropa İttifaqı və NATO-da təcrid olunmasına gətirib çıxardığını bildiriblər.
Təşkilatçıların bildirdiyinə görə, etiraz aksiyaları 44 şəhərdə keçirilib. Onlar təkcə Slovakiyada deyil, həm də xaricdə, xüsusən də London və Amsterdamda baş tutub. Təkcə Bratislavada keçirilən mitinqə 11 minə yaxın fəal toplaşıb.
Əziz Mustafa, Oxuməni.az
