Fransanın "Strasburq" klubunun hücumçusu Emanuel Emeqa İngiltərə Premyer Liqasında iş tapa bilər.
90deqiqe.Az-ın məlumatına görə, “Çelsi” klubu 22 yaşlı hücumçunu heyətinə qatmaqda maraqlıdır. Strasburq rəhbərliyi futbolçuya 22-25 milyon avro ödəniləcəyi təqdirdə danışıqlara hazırdır. Hücumçu 2028-ci ilin ortalarına qədər Fransa klubu qarşısında müqavilə öhdəlikləri ilə bağlıdır.
Bu mövsüm Emanuel Strasburqda 21 oyun keçirib, 11 qol vurub və 2 məhsuldar ötürmə edib. Premyer Liqada 27 matçdan sonra "Çelsi" turnir cədvəlində 5-ci yerdədir.
