İspaniyanın La Liqasında "Xetafe" uzun bir aradan sonra "Atletiko Madrid"i 2-1 hesabı ilə məğlub edib.
90deqiqe.Az-ın məlumatına görə, bu, 14 il ərzində komandaların üz-üzə gəldiyi 30-cu görüşündə olub.
Sonuncu dəfə 2011-ci il noyabrın 7-də "Xetafe" evdə "Atletiko"ya 3-2 hesabı ilə qalib gəlib. O oyunda "Atletiko"nun qollarını Radamel Falkao və Alvaro Dominqes vurmuş, "Xetafe"nin qollarını isə Abdelaziz Barrada, Mişel və Dieqo Kastro qeyd etmişdi.
Bu dəfə isə, "Atletiko"nun səfər oyununda "Xetafe" 2-1 hesabı ilə qalib gəlib və rəqibini 14 il sonra məğlub etməyi bacarıb. Həmçinin, qarşılaşmada "Atletiko"dan bir futbolçu qırmızı vərəqə alaraq meydanı tərk edib.
Beləliklə, "Xetafe" "Atletiko"nu yalnız 30-cu qarşılaşmada məğlub etməyi bacarıb, həmin görüşlərdən 2-si yoldaşlıq xarakteri daşıyıb.
