Kiyevdə ara qarışdı- Zelenski...

Ukrayna Konstitusiyasına əsasən, hərbi vəziyyət dövründə seçkilərin keçirilməsi qadağandır. Bu səbəbdən, 2024-cü ilin may ayında keçirilməsi planlaşdırılan prezident seçkiləri müharibə səbəbindən təxirə salınıb.

News24.az "the times"ə istinadən xəbər verir ki, hazırda prezident Volodimir Zelenski vəzifəsini davam etdirir.

Son zamanlar Ukraynada prezident seçkilərinin keçirilməsi ilə bağlı müzakirələr artıb. Bəzi mənbələr 2025-ci ilin may ayında seçkilərin keçirilə biləcəyini qeyd edir. Bununla yanaşı, ABŞ administrasiyasının nümayəndələrinin Ukrayna müxalifəti ilə seçkilərin keçirilməsi barədə gizli danışıqlar apardığı bildirilir.

Müxalifət liderləri, o cümlədən keçmiş prezident Petro Poroşenko və keçmiş baş nazir Yuliya Timoşenko, hərbi vəziyyət davam edərkən seçkilərin keçirilməsinə qarşı çıxır və seçkilərin yalnız sülh əldə edildikdən sonra keçirilməsini müdafiə edirlər.

Mövcud vəziyyətdə, prezident seçkilərinin nə zaman keçiriləcəyi və prezident Zelenskinin yerinə kimin gələcəyi ilə bağlı dəqiq proqnoz vermək çətindir. Seçkilərin keçirilməsi üçün hərbi vəziyyətin sona çatması və sülh şəraitinin bərqərar olması vacibdir. Amma yaxın zamanlarda prezident seçkilərinin keçirilməsi də istisna deyil. 

Ruslan