Bu il artıq 10-cu ilini qeyd edən Milli İnsan Resursları Forumu “Facemark” şirkətinin təşkilatçılığı ilə 31 may tarixində “Baku Marriott Hotel Boulevard”da keçiriləcək.
Ölkənin insan resursları və işgüzar mühitinin aparıcı simalarını bir araya gətirəcək bu forum, ölkəmizin ən nüfuzlu İR tədbirlərindən biri olaraq, müxtəlif sahələrdə effektiv idarəetmə, əmək bazarındakı yeni trendlər və innovativ insan resursları həlləri ətrafında müzakirə platforması yaratmaqdadır.
Müasir dövrdə insan resursları artıq yalnız idarəetmə funksiyası deyil, eyni zamanda insanları dinləmək, onların rifahını ön planda tutmaq və iş mühitində mənalı təcrübələr formalaşdırmaq missiyasını da daşıyır. Bu yanaşma forumun əsas mesajı olan “İnsana Dəyər” konsepti çərçivəsində xüsusi olaraq önə çıxarılacaq.
Forumun əsas məqsədi insan resursları sahəsindəki aktual məsələlərin işıqlandırılması, peşəkar spikerlərin bilik və təcrübələrinin paylaşılması, eyni zamanda açıq və interaktiv müzakirə mühiti yaratmaqdır. İnsan resurslarının gələcəyini formalaşdıracaq ideyaların və praktik həllərin önə çıxarılacağı bu tədbir, sahənin inkişafına öz töhfəsini verməyə davam edir.
500-dən çox yerli və beynəlxalq şirkət nümayəndəsinin iştirak edəcəyi forum İR sahəsinin peşəkarları ilə yanaşı, şirkət rəhbərləri, sahibkarlar, dövlət qurumlarının və özəl sektorun nümayəndələri qatılacaq.
Forum çərçivəsində “İnsana yeni dəyər”, “Təcrübəyə dəyər” və “Fərqli dəyər” adlı panellərdə peşəkar moderator və spikerlər çıxış edəcək, insan resursları sahəsində aktual çağırışlara cavab verən yanaşmalar və həll yollarını təqdim edəcəklər. Xüsusilə “İnsana dəyər” konsepti çərçivəsində, iş mühitində insan mərkəzli yanaşmanın təşviqi, əməkdaşların potensialının üzə çıxarılması və mənalı təcrübələrin yaradılması yolları ön planda olacaq.
Milli İnsan Resursları Forumuna bilet əldə etmək və tədbirlə bağlı ətraflı məlumat əldə etmək üçün forumun rəsmi saytına (www.mirf.az) keçid edə və sosial media hesablarımızı izləyə bilərsiniz.
Facebook: https://www.facebook.com/mirfaze
Instagram: https://www.instagram.com/mirf.aze/
Linkedln: https://www.linkedin.com/company/mirfaze
