Polis Filippinin keçmiş prezidenti Rodriqo Duterteni (2016-2022) Beynəlxalq Cinayət Məhkəməsinin (ICC) sifarişi əsasında “insanlığa qarşı cinayətlər”ə görə Manila hava limanında saxlayıb.
Yerli “Manila Bulletin” nəşri xəbər verir ki, BCM keçmiş dövlət başçısının narkotik vasitələrin qanunsuz dövriyyəsi ilə mübarizədəki hərəkətlərini araşdırır.
Duterte Honq-Konqdan gəldikdən sonra saxlanılıb. O, əvvəlcə həbs qərarı veriləcəyini eşitdikdə təyyarəni tərk etməkdən imtina etsə də, sonradan polis protokoluna əməl etməyə razılaşıb. Polisin məlumatına görə, Rodriqo Dutertenin prezidentliyi dövründə 6000 şübhəli öldürülüb. İnsan haqları qrupları narkotiklərlə mübarizə kampaniyasında 30 min insanın öldürüldüyünü iddia edir. BCM-nin istintaqı 2011-ci ilin noyabrından 2016-cı ilin iyununa qədər törədilmiş iddia edilən cinayətləri əhatə edir.
//Samir Qurbanov, Editor.az
