Bu gün minifutbol üzrə Azərbaycan çempionatında 2024/2025-ci illər mövsümünün həlledici oyunları keçirilib, qaliblər müəyyənləşib.
Arena.az xəbər verir ki, əvvəlcə üçüncü yerin sahibi bəlli olub.
Bürünc medallar uğrunda oyunda “Aznur” və “Galaxy” komandaları üz-üzə gəliblər. Bakı Tennis Akademiyasında baş tutmuş görüşdə hesab açılmayıb. Qalibi müəyyənləşdirmək üçün penalti zərbələrinə ehtiyac duyulub. Burada daha dəqiq olan (3:1) “Aznur” üçüncü yeri tutub.
Həlledici görüşdə isə “Zirə” və “Birbaşa Bakı” komandaları üz-üzə gəliblər. Matç “Birbaşa Bakı”nın 2:0 hesablı qələbəsi ilə yekunlaşıb. Qarşılaşmanın 36-cı dəqiqəsində Eşqin Tağıyev, 47-ci dəqiqədə isə Təmkin Xəlilzadə “Zirə”nin qapısına yol tapıb.
Xatırladaq ki, “Birbaşa Bakı” ötən il də minifutbol üzrə Azərbaycan çempionu olmuşdu.
