Azərbaycanın futzal millisi bu gün AÇ-2026-nın əsas mərhələsinin V qrupu çərçivəsində səfərdə Yunanıstan yığması ilə qarşılaşıb.
Fanat.Az xəbər verir ki, Vitali Borisovun baş məşqçisi olduğu komanda görüşdən 2:3 hesabı ilə məğlub ayrılıb.
Oyunda hesabı meydan sahibi komanda açıb. İkinci hissəyə futzalçılarımız daha fəal başlayıb. Ardıcıl real epizodları dəyərləndirə bilməyən yığmamız 31-ci dəqiqədə standart vəziyyətin icrasından sonra yenidən mərkəzə dəvət olunub. Bundan sonra qapıçını da meydan oyunçusu ilə əvəzləyən millimiz 2 dəqiqə sonra fərqi minimuma endirib. Eldar Zeynalovun qapıya paralel ötürməsini Kənan Manafov tora qovuşdurub. Manafov matçın başa çatmasına 22 saniyə qalmış bu dəfə hesaba tarazlıq gətirib. Ancaq dərhal 5 oyunçuya keçən rəqib final fitinə 4 saniyə qalmış qələbə topunu vurub.
Komandamız qrupda növbəti oyununu aprelin 11-də səfərdə İsveç yığmasına qarşı keçirəcək.
AÇ-2026
Əsas mərhələ
11 mart
Yunanıstan - Azərbaycan 3:2
Qollar: Alexandros Adamopoulos, 2:11, Spyridon Papakostas, 30:39, Marios Ntatis, 39:56 - Kənan Manafov, 32:39, 39:38
Hakimlər: Trayan Ençev, Kaloyan Kirilov, İvan İvanov (Hakimlər briqadası Bolqarıstandandır)
Hakim-inspektor: Sven Eichler (Almaniya)
UEFA nümayəndəsi: Andrey Miadzvedzeu (Belarus)
11 mart. Afina. DAİS Sports Hall.
