"Atletiko Madrid"in yarımmüdafiəçisi Rodriqo De Paul Çempionlar Liqasının 1/8 final mərhələsinin cavab qarşılaşmasından - bu gün əzəli rəqib "Real Madrid"ə qarşı keçirəcəkləri ev oyunundan öncə fikirlərini bölüşüb.
Fanat.Az xəbər verir ki, onun sözlərini AS belə çatdırıb:
"Real" bizi nədə üstələyir? İlk oyunda daha çox qol vurmaları onların üstünlüyüdür. Futbolda heç də həmişə daha yaxşı oynayan qalib gəlmir. "Bernabeu"da biz əla oyun sərgilədik, amma mikroməqamlar durumu bu və ya digər tərəfə dəyişə bilir.
Biz anlamalıyıq ki, oyun uzun olacaq. Qarşılaşmanın gedişində müxtəlif anlar yaşana bilər. Ağıllı və təmkinli davranmalı, ümumi hesabı bərabərləşdirmək, arzuladığımız qolu vurmaq üçün uyğun anı seçməliyik. Azarkeşlər hədəfimizə çatmağa yardımçı olacaqlar".
Xatırladaq ki, tərəflərin ilk dueli "Real"ın 2:1 hesablı qələbəsi ilə bitib.
Nihat
