"Qolden Steyt Uorriors"un ulduz oyunçusu və Milli Basketbol Assosiasiyasının (NBA) dördqat çempionu Stiven Karri NBA-da nadir nailiyyətə imza atıb.
İdman.biz xəbər verir ki, 36 yaşlı amerikalı basketbolçu "Sakramento Kinqs" ilə matçda üç xallıq atışı onun karyerasında 4000-ci olub.
Tarixdə heç bir basketbolçu uğurlu üçlü atışların sayında belə bir həddə çatmayıb.
NBA-da bu göstəriciyə görə ikinci yerdə “Los-Anceles Klippers”də çıxış edən amerikalı Ceyms Harden qərarlaşıb. Onun hesabında 3127 uğurlu üç xallıq atış var.
Qeyd edək ki, oyun 130:104 hesabı ilə "Qolden Steyt Uorriors"un qələbəsi ilə başa çatıb.
İdman.biz
