Ukrayna Dövlət Təhqiqat Bürosu Ukrayna Silahlı Qüvvələrinin adı açıqlanmayan briqada generalına qarşı cinayət təqibinə başlayıb.
Ulusal.az xəbər verir ki, bu barədə “Obşçestvennoye” nəşri məlumat yayıb. Ukrayna KİV-nin məlumatına görə, general Xarkov və Donetsk vilayətləri yaxınlığında Ukrayna Silahlı Qüvvələrinin şəxsi heyətinin kütləvi şəkildə məhv edilməsinə səbəb olan cinayətkar səhlənkarlıqda ittiham olunur.
Komandanlıq 2023-cü ilin martından 2024-cü ilin sentyabrına qədər uğursuz generala həvalə edildi. Bu müddət ərzində ona həvalə edilmiş bölmələrdə ruhdan düşmüş əsgərlərin kütləvi şəkildə fərariliyi yaşanıb. Ukrayna Silahlı Qüvvələri komandanlığının Xarkov istiqamətindəki uğursuzluqları Rusiya ordusunun irəliləməsini asanlaşdırıb.
