“Mədə-bağırsaq xəstəlikləri olanlar ehtiyatla qoz-fındıq yeməlidirlər”
Medianews.az xarici mediaya istinadən xəbər verir ki, bunu qastroenteroloq Lyudmila Suxorukova deyib.
“Allergiyası olanlar və müxtəlif mədə-bağırsaq xəstəlikləri, məsələn, qıcıqlanmış bağırsaq sindromu, qastrit, pankreatit olan insanlar qoz-fındıqları ehtiyatla qəbul etməlidirlər. Riskləri azaltmaq üçün qoz-fındıqları bir gecədə ilıq suda islatmaq olar”, – deyə həkim bildirib.
Həkim əlavə edib ki, islatma qida maddələrinin sorulmasına mane olan fitik turşusunun miqdarını azaltmağa kömək edir.
Qastroenteroloq həmçinin aydınlıq gətirib ki, bağırsaq xəstəlikləri, dəri xəstəlikləri və fərdi dözümsüzlük zamanı şam fıstığından uzaq durmaq lazımdır.
