İsrail Müdafiə Qüvvələri (IDF) İordan çayının qərb sahilinin şimalında hərbi əməliyyatının daha beş yaşayış məntəqəsinə qədər genişləndirildiyini açıqlayıb.
Xezerxeber.az xəbər verir ki, bu barədə Ordunun mətbuat xidməti məlumat yayıb.
"Təhlükəsizlik qüvvələri Samariyanın şimalında terrorun qarşısının alınması əməliyyatını davam etdirir, eyni zamanda İsrail vətəndaşlarının təhlükəsizliyini təmin edir", - məlumatda bildirilib.
Qeyd olunub ki, Bisal briqadasının döyüş qrupu yanvar ayında 10 terrorçunun öldürüldüyü hava hücumundan sonra Tammunda fəaliyyətə başlayıb.
