“Bizim Azərbaycan və Ermənistanla uğurlu əlaqələrimiz var”.
Missiya.Az xəbər verir ki, bunu İran Xarici İşlər Nazirliyinin sözçüsü İsmayıl Bəqai deyib.
O bildirib ki, Tehran Cənubi Qafqazda təhlükəsizliyin və sabitliyin möhkəmləndirilməsi üçün hər cür yardıma hazırdır.
“Cənubi Qafqazda təhlükəsizlik, o cümlədən Azərbaycan və Ermənistanın təhlükəsizliyi bizim üçün çox vacibdir. İranın Azərbaycan və Ermənistanla uğurlu münasibətləri var və diplomatik danışıqlar da son günlər artıb”, - deyə siyasətçi vurğulayıb.
Bəqai qeyd edib ki, İran iki ölkə arasında dialoqun irəliləməsinə töhfə verməyə hazır olduğunu bəyan edib.
Daşqın HəsənovMissiya.Az
