Avropa İttifaqının xarici işlər naziri Kaja Kallas Ukraynaya yardımla bağlı qəti mövqe nümayiş etdirərək, yardımı azaltmağı düşünmədiyini bildirib. Onun fikrincə, əksinə, dəstəyi artırmaq lazımdır.
“İki sahil” xəbər verir ki, bu barədə RİA Novosti məlumat yayıb.
"Daha çox etməli olduğumuz halda, yardımı azaltmaq barədə danışmamalıyıq" - deyə Kallas bildirib.
O, vurğulayıb ki, istək olarsa, Ukraynanı maliyyələşdirməyin yollarını və yeni üsullarını tapmaq həmişə mümkündür.
Bundan əlavə, Kallas yenidən Rusiyanı Aİ dövlətləri üçün təhlükə adlandırıb.
